Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1536_1

<begin>
</begin>
<main>
Alsoe den hoppenexcijs binnen deser stede dagelijcx soe lancx soe meer vermindert worde ende noch meer gescapen is te declineren ende verminderen en wordde daer inne nyet voersien soe hebben die heere ende gerechte 1 mits desen gekuert ende geordonneert DAT...
1. Dat nyemant voortan wie hij zij hem en sal mogen vervorderen eenighe hoppe inne te doen te meeten off doen meeten dan bij den gesworen meter daer toe geordoneert off den pachter van den voorscreven hoppenexcijs mits hem betalende voer excijs ende meten tsamen een stuyver van thoet op die boete van drie ponden heeren gelts te gaen een derdendeel tot sheeren behouf een derdendeel tot der stede behouff ende een derdendeel tot behouff van den anbrenger ofte pachter voerscreven
2. Item soe en sal nyemant eenigen hoppe bij hem vercoft innegedaen ende gemeeten als voren denselven hoppe bij de broute off anders mogen doen meeten uuytmeten off vercoopen dan mits betalende denselven bewaerder oft pachter een grote Vlaems van thoet op gelijke boete te gaen als voren
3. Item ende soe en sal hem van nu voortaen nyemant mogen vervorderen eenigen ponthoppe binnen deser stede te mogen brengen off vercoopen sonder tselve den voorscreven bewaerder ofte pachter te kennen te geven ende hem te betalen van elck hondert een groet Vlaems op gelijcke boete ende te gaen als voren
</main>
<end>
Actum ende van der stede huys affgelesen opten XXIXen Aprilis anno XVe zessendertich
</end>