Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1537_1

<begin>
</begin>
<main>
Alzoo hier dagelijcxs zeer groot gebreck valt van dat die glasen tot diverschen plaetzen binnen dese stede uuytgesmeeten worden ende diversche huysstootingen ende andere gewelden twelck meestendeel toecompt uuyt pure petulantie ende andere quaetwillichede mits dat men tselve noyt anders dan civilick gecorrigeert en heeft omme waerinne te remedieren ende te voorsien voor den toecomdenden tijt die van den gerechte ende vroescap onlancxs van nyeux gestatueert gekuert ende die kuere van tglaesmijten huystootinge cracht ende gewelt gemuteert hebben van tcivil in tcrymyneel Waeromme deselve heren van den gerechte gebyeden ende beveelen een yegelicken dat nyemant wie hij zij hem van nu voortaen en vervordere eenige glasen uuyt te smijten want men tselve achtervolgende de voorscreven nyeuwe kuere criminelicken corrigeren zal nae gelegentheyt van der saicke
</main>
<end>
Afgelesen den XXen Februarii anno XVe zessendertich praesentibus Wouter van Bekesteyn schout Geryt van Warmont Geryt Steffenssz burgermeesteren Engbrecht Willemsz Ramp Nanninxs ende Pieter Claess scepenen der stede van Haerlem
</end>