Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1567_1

<begin>
</begin>
<main>
Alsoe grote ongeregeltheyt ende abuyssen bevonden werden in de heele byertonnen ende halve vaten die dagelicx bij de brouwers niet byer gevolt ende soewel binnen als buyten deeser steede uuytgelevert ende gebruyckt werden wesende van verscheyden grote ende mate daerdeur tgemeen volck seer gedefraudeert wert omme waerinne te voersiene ende remedieeren soe ist dat die heere ende gerechte bij advyse ende stemmen van de meeste menichten van dengeenen die weleer in den gerechte geweest sijn gekeurt geordineert ende geboden hebben keuren ordineren ende gebieden bij deesen Dat allen brouwers binnen deeser steede binnen acht dagen erstcoemende schicken alle heure tonnen ende halve vaten die sij beneden in heure huyssen ende brouwerye hebben leggen te doen branden ende eycken bij den gesworen branders opte boete van XXX stuyvers van elcke ongeëyckte offt ongebrande tonne ende halff vat te verbeuren te gaen an dryen den heere de steede ende daenbrenger elx een derdendeel uuytgesondert die tonnen ende halve vaten die boven up heure soldere offt an deen sijde leggen diewelcke sijluyden mede gehouden werden te doen eycken ende branden tuschen dit ende den eersten dach van Februario odeerstcoemende ende soe wat tonnen sijluyden noch nyet thuys gecregen en hebben sullen dieselve oeck doen branden ende eycken binnen acht dagen naerdat sijluyden die selve ontfangen sullen hebben des soe sullen sij hem selven hyerinne mogen purgeren bij eede dat sij die voirscreven tonnen ende halve vaten geen acht dagen binnen heure huyssen gehadt hebben
</main>
<end>
Aldus gekeurt geordineert ende gestatueert upten XXIIen Octobris XVe seven ende tsestich bij Gerryt Pieterss Berchoudt schout mr Quirynn Dircxss Dirck de Vryese mr Dirck Ramp mr Jan van Suyren burgermeysteren mr Gerryt van Ravensberge mr Hugo Bol van Saenen Aelbrecht van Schagen mr Frans van Nesse scepenen Adriaen Claess tresorier mr Lambrecht van Roosvelt Johan van Duvenvoirde Meynert van Heussen Bartelmees Jacopss mr Philleps van der Maet Gerryt Corneliss Velserman ende Willem Adriaenss oude wethouderen van Haerlem ende metter clocke van der stadt huysse affgelesen den XXVen Octobris anno LXVII voirscreven presentibus allen den burgermeysteren praeter de Vryese met Schagen ende Nesse schepenen
</end>