Compilatiecorpus Historisch Nederlands 1.0 (CHN): ambtelijke teksten 1250-1800: ieper_1321_1

<begin>
Wie heinriq de hane lambert van der veste Reubrecht pietin jhan hone ende pieter van den wereue schepenen van den yperschen ambochte doen te wetene allen den ghonen die dese lettre zullen zien of horen leisen
</begin>
<main>
dat michiel bo[ytac] van slipen [por]tre jn ypre heift ghecocht ende ghecre-ghen heruelike ouer hem ende ouer zin hoir jeghen kerstine wedewe jhans remut portigghe jn yhpre Drie ymete ende viere ende zestech Roeden lants litel min of litel mer ligghende jn de prochhie van vlamertinghe onder min here den graue van vlaendre jn drie sticken dat es te wetene zeuen vierendeel ymet lant ligghen an nendins zaghen lant ende ene roede jtem ene line lants ligghende an jhans maets lant streckende tote der nieuwerkemmele jtem viue vierendel ymet zesse ende dertech roeden min ligghende an pieters balch lantvan den welken lande de vorseide vercopighe hout hare wel vergouden ende heues den vorseiden michiele halm ende ghifte gheworpen wel ende wettelike also vsage ende costume es jnt ypersche ambocht ende zoe heuet hem ghewet [jn] warandieren[e] [v]an [all]en calengen jeghen allen lieden quite lant omme quite ghelt behouden sheren chins van den alnde diere vte gaet
</main>
<end>
jn orconconschepe van deser dinc wie schepenen voorgenoemd hebben dese lettre ghezeghelt met onserleden zeghelen dit was ghedaen jnt jaer ons heren m ccc ende een ende tuintech vrindaghe voer den Eleghe [cruceda]ghe jn piet maent
</end>