Compilatiecorpus Historisch Nederlands 1.0 (CHN): ambtelijke teksten 1250-1800: kortrijk_1550_2

<begin>
</begin>
<main>
Uutedien dat daeghelicx de decisie ende determinacie van diverssche prochessen gheretardeert ende verachtert worden by dat parthien ofte huerlierder procureurs refuseren ofte delayeren huerlierder inventarissen dienende ten furnissemente van de prochessen te teeckenen ten grooten griefve ende interreste van de ondersaeten so eyst dat scepenen ordonneren van nu voortsan dat als eenich proches gheconcludeert werdt int advys ofte in rechte ende dat partie voortganc beghert zyne wederpartie ofte zynen procureur by stedecnape zal ghesommert hebben omme den inventaris te teeckenen in dat gheval zal de voornomde wederpartie ofte procureur alzo ghesoinmert zynde indien hy in ghebreke waere van den zelven te teeckenen binnen zeven daeghen verbueren ende vervallen in de peyne van XXIV s par ende zal men in die zaecke recht doen naer tbevindt
</main>
<end>
Ghepublieert in vierschaeren den 26en in September XVe vichtich
</end>