Compilatiecorpus Historisch Nederlands 1.0 (CHN): ambtelijke teksten 1250-1800: kortrijk_1578_1

<begin>
</begin>
<main>
Men laet weten eenes yeghelicken hoe dat d'oude ordonnancien ende privilegen van der weeserie deser stede uuyt crachte van den welcken onder andere de weesen huerlieder zelfs bedyghen zynde vermoghen 't ghelt ende 't capitael by haerlieder voochden uytghegheven ten weesen ghelde weder te heesschen binnen eenen jaer naer de sommatie midts quytscheldt ghevende van eenen jaer crois dat 't zelve previlegen in der vormen ende manieren alzoo 't zelve van ouden tyden onderhauden es gheweest van nyeeuw ghecorroboreert ende gheconfirmeert es by der Co Maj achtervolghende de opene lettren onder den grooten zeghele van den coninck daerup vercreghen daeten van IX van Ougst 1578 in zulkerwys dat alle jugen zoo provinciale als subalterne ende alle officiers ende justiciers daerby gheordonneert ende belast zyn in heurlieder ordonnantien ende sententien hemlieden daernaer te reguleren van al 't welck men adverteert eenen yeghelicke ende zonderlinghe alle voochden ende curateurs ten fyne zy in 't uutgheven van huerlieden weesen goede hemlieden hiernaer moghen reguleren volghende deser briefven etc
</main>
<end>
Ghepubliceert 15 September 1578
Signé A RoosE
</end>