Compilatiecorpus Historisch Nederlands 1.0 (CHN): ambtelijke teksten 1250-1800: leiden_1293_1

<begin>
Alle den ghenen die dese letteren sullen sien ofte horen lesen Oerkond wi rechter ende scepene van leyden
</begin>
<main>
dat die ghasthuys beraders so wie si sijn van dere uoersegheder stede sien schuldich jaerlics drie pont ende drie schellinghe hollantsker penninghe der abbedissen van renseburgh tegheldene toe uoerscoter market ende toe ualkenburgh van dien lande dat jan die weuer besat also langhe als dese namelicke jan leuend es ende na sire doet so salt quite wesen van dere voerghesprokenre huyre ende sal weder comen vrielicke an der voerghenoemeder abbedissen van renseburgh
</main>
<end>
Jn oerkonde desen brieue die ghezeghelt es met der poerte zeghel uan leyden ghegheuen jnt jaer ons heren Duzent tuie hondert ende drie ende neghentich des vridaghes na zante matheus daghe apostels end euangeliste
</end>