Compilatiecorpus Historisch Nederlands 1.0 (CHN): ambtelijke teksten 1250-1800: leiden_1319_1

<begin>
JC dieric van suyeten make kond ende kenlic allen den ghenen die dese letteren zullen zien of horen lesen
</begin>
<main>
dat ic biatrijs minen wiue hebbe ghegheuen ende ghemaket elf morghen lands die gheleghen zien jnt ende vander hoeue te suyeten Tote zoeterwoude waerds daer allaerd drutekiaen op te woenen plach tote hore rechter lijf tocht
</main>
<end>
Om dat ic wil dat dit vast ende stade bliue zo heb ic dese letter bezeghelt mit minen zeghel Ende hebbe ghebeden enen goeden man ende enen wisen den paersoenre van leyderdorp dat hijt mit mi bezeghel ende Jc bartholomeus parsoenre van leyderdorp priester om die bede dierics van suyeten heb ic desen brief bezeghelt mit hem Ghegheuen jnt jaer ons heren dusent drie hondert ende neghentiene des vridaghes na sente bauen daghe
</end>