Compilatiecorpus Historisch Nederlands 1.0 (CHN): ambtelijke teksten 1250-1800: leiden_1321_1

<begin>
Wij herman bitter ende willaem vten campe Scepen in leyden orconden met desen letteren bezegheld mit onsen zeghelen
</begin>
<main>
dat willaem de graue Sculdich es jaerlics een pond hollants ewelike staende der papeliker prouende ter nywer kerke te leyden welch pond hollants dese voerscreuen willaem de graue beleyt heuet op syn hues ende erue gheleghen bi den rine in dye selue prochye beleghen met willaems slapers huse an dye ene syde ende met jans hamers huse an dye ander syde Ende op tyene marghen lands gheleghen int vterste van haren jacobs ambocht van den woude bi dyerecs ambochte van alkemade an dye ene side ende beleghen met jacobs ygincs lande an dye ander syde
</main>
<end>
Ghegheuen in dyen jare ons heren dusend drehondert tuintich ende een des dunredaechs naest na sente matheus daghe apostli
</end>