Compilatiecorpus Historisch Nederlands 1.0 (CHN): ambtelijke teksten 1250-1800: leiden_1336_1

<begin>
WJ hughe van der bregghe ende ghered goriis Scepene in leiden maken cond ende kenliken allen luden
</begin>
<main>
Dat jacob gonse ghered sconebroids sone griete siin suster ende dieric [] hore beider swagher quamen voir ons ende ghelieden dat Jan van brabant ende dieric van den bosche die nv ter wilen ouermeisters zien van den gasthuyse van leiden hem vol ende albetailt hebben den lesten penninc mitten eyrsten alse van dien haluen camp lands die ghered sconebroids was ende gheleghen is te roedenburch binnen diix in den ambochte van soeterwoude ende van den helen vterdiik die naist gheleghen is der kerke van leiderdorpe
</main>
<end>
Jn oirkonde desen brieue beseghelt mid onsen seghelen Ghegheuen int iair ons heren duysend drie hondert ses ende dertich des manendaghes na sente dammaes daghe
</end>