Compilatiecorpus Historisch Nederlands 1.0 (CHN): ambtelijke teksten 1250-1800: leiden_1337_1

<begin>
Jc dieric bussel [scoute] jn zoeterwoude Make Cont allen luden
</begin>
<main>
Dat voer mi quam ende voer somen buren van zoeterwoude Clays van bakenesse ende beliede hem dat hi vercoft heeft stachiin heynrix zoen Een pont hollansche vries ghelts jaers te betalene dene helfte toet voerscotenre market ende dander helfte toet valkenburgher market alle jaer Ende beliede hem daer of betaeld den lesten penninc mitten eersten Ende dit voerseyde pont ghelts jaers sel stachiin voerscreuen versien op viiftalf morghen lands die clays voergehenoemt legghende heeft jnt ambocht van zoeterwoude mitten burchgraue van leyden ghemene Ende beleghen heeft an die Oestzide aelbrecht florens zoen Ende an die westzide gheret [sined] mit erf hure van den goedshuse van egmonde vutgaende in den riin
</main>
<end>
Jn orkonde desen brief bezeghelt mit minen zeghele Ghegheuen jnt jaer ons heren dusent drie hondert seuen ende dertich saterdaghes na meye dach
</end>