Compilatiecorpus Historisch Nederlands 1.0 (CHN): ambtelijke teksten 1250-1800: leiden_1338_1

<begin>
WJ ghered goriis ende heine milde scepene jn leiden Maken cond allen luyden
</begin>
<main>
Dat jan here voir ons quam ende geliede dat hi scoudich is Ghered riiswiic vranken sone Een pond hollants vriis ghelds jairlixser renten Op siin huys ende op siin erue dat beleghen is mitter burchgrafte an die ene side ende meyster ghene mit sinen huse ende erue an die ander side van den burchwal streckende jn den ouden riin Ende dese renten jairlix te betalen tote heilighe misse voird soe heeft jan here hem virwilcoird dat hi dit voirghenoemde huys voirwards meer beteren sel ende niet arghen
</main>
<end>
Jn oirkonde desen brieue beseghelt mit onsen seghelen Ghegheuen jnt iair ons heren duysend drie honderd achte ende dertich swoensdaghes na onser vrouwen daghe virholen
</end>