Compilatiecorpus Historisch Nederlands 1.0 (CHN): ambtelijke teksten 1250-1800: leiden_1342_1

<begin>
WJ Gheret gonter ende Jan die backer Scepene jn Leyden Maken Cond ende kenliic allen luden
</begin>
<main>
dat kerstine pieter veren gobburghe soens wedewi hair gheret jan philips liddeld gobburch margriete ende kerstine pieters ende kerstinen kindre voirscreuen voir ons quamen Ende verwilcoerden him die mondighe mid hairs selues hand ende die onmondighe mid hoirs mombairs hand mid Recht ende mid vonnesse alse scepene wiisden ende Recht is dat van kerstinen pieters wedewi voernoemt goede ende Renten na hairre doyt bliuen [suilen] toter Capelrye Ewelike durende tien pond hollandsche siaers tote philips behoef hairs soens voirseyt also langhe als hi leuet
</main>
<end>
Jn Oirkonde desen brieue bezeghelt mid Onsen zeghelen Ghegheuen tsaterdaghes voir sente marcus dach ewangelisten jnt jair Ons heren M ccc twie ende viertich
</end>