Compilatiecorpus Historisch Nederlands 1.0 (CHN): ambtelijke teksten 1250-1800: leiden_1343_1

<begin>
WJ andries hansoeten sone ende dieric vranken sone scepene in leyden maken cond allen luyden
</begin>
<main>
Dat meester jan de bandemaker vor ons quam ende gheliede dat hi vircoft heeft clays van der burch ende jonghen ghered den smeeder die nv ter wilen outmeesters sien van den gasthuyse van leyden Tien scellinghe hollants vriis ghelds siairs toit sgasthuys behoif voirseit Op siin huys ende op siin erue dat beleghen hebben reinsent bertelmeus weduwe van der bregghe ende dieric van der dobbe mit horen erue an diene side ende clays de dregher mit sinen huyse ende erue an dander side Ende dese renten voirseit iairlix te betalen tote voirscoter marcte Ende meester jan voirseit die heeft beliet betailt den lesten penninc mitten eyrsten van desen renten vorscreuen
</main>
<end>
Jn oirkonde desen brieue beseghelt mit onsen seghelen Ghegheuen int jair ons heren duysent drie hondert drie ende viertich des sonnendaghes voir sente mairtiins daghe in den winter
</end>