Compilatiecorpus Historisch Nederlands 1.0 (CHN): ambtelijke teksten 1250-1800: leiden_1343_2

<begin>
WJ dieric van hairlaem ende dieric van den bosche scepene in leyden maken cont allen luyden
</begin>
<main>
dat ghered goede moenen sone voir ons quam ende gheliede dat hi scoudich is wendelmoit jacobs weduwe van bleiswiic Tien scellinghe hollans vriis ghelds siairs alle jare te virsien op siin huys ende op siin erue dat beleghen is mitter stoue opt hogheland op die suydzide ende mitten ouden riin op die noirdzide Ende dese renten voirseit jairlix te betalen tote voirscoter marcte erfpenninghe
</main>
<end>
Jn oirkonde desen brieue beseghelt mit onsen seghelen Ghegheuen jnt jair ons heren duysent drie honderd drie ende viertich op sente mauricius dach
</end>