Compilatiecorpus Historisch Nederlands 1.0 (CHN): ambtelijke teksten 1250-1800: leiden_1344_1

<begin>
WJ andries hansoeten sone ende dieric van den bosche scepene in leyden maken cont allen luyden
</begin>
<main>
Dat jacob bertelmeus sone van wasnair voir ons quam ende gheliede dat hi vircoft heeft Clays van der burch ende ghered den smeder die nv ter wilen meesters sien van den gasthuyse van leyden de helfte van twien campen lands dair die ene camp of hiet gansekete ende die ander camp vir claren camp ende gheleghen sien [] in den ambochte van wasnair toit sgasthuys behoif van leyden Ende dese twie hele campe lands voirseit houden seuen morghen luttel min of meer Ende Jacob voirseit die heeft hem beliet betailt den lesten penninc mitten eyrsten van desen lande voirscreuen
</main>
<end>
Jn oirkonde desen brieue beseghelt mit onsen seghelen Ghegheuen int jair ons heren duysent drie hondert vier ende viertich op sente pieters dach in den lenten
</end>