Compilatiecorpus Historisch Nederlands 1.0 (CHN): ambtelijke teksten 1250-1800: leiden_1344_2

<begin>
WJ andries hansoeten sone ende dieric vranken sone scepene in leyden maken cont allen luyden
</begin>
<main>
Dat hase corte boudekiaens weduwe voir ons quam ende gheliede dat si vircoft heeft Jan de backer tien scellinghe hollants vriis ghelds siairs op hoir huys ende op hoir erue dat beleghen heeft stasiin heinrix sone mit sire steghe an diene side ende aliit clays diedaird soens weduwe mit horen huyse ende erue an dander side Ende desen renten voirseit alle jare te betalen tote valkenburgher marcte
</main>
<end>
Jn oirkonde desen brieue beseghelt mit onsen seghelen Ghegheuen int jair ons heren duysent drie hondert vier ende viertich des donresdaghes na sente louweriis daghe
</end>