Compilatiecorpus Historisch Nederlands 1.0 (CHN): ambtelijke teksten 1250-1800: leiden_1344_4

<begin>
WJ andries hansoeten sone ende airst gonters sone Scepene in leyden Maken cont allen luyden
</begin>
<main>
Dat vinke andries sone voir ons quam ende gheliede dat hi vircoft heeft Gheertrude beudiins weduwe van suieten Een pont hollants vriis ghelds siairs op siin huys ende op siin erue dat beleghen heeft Ghisebrecht ghisebrecht tunebrekers sone mit sinen huyse ende erue an diene side ende katrine poys ende hoir dochter mit horen huyse ende erue an dander zide Ende dese renten voirseit alle jare te betalen tote voirscoter marcte Ende vinke voirseit die heeft hem beliet betailt den lesten penninc mitten eyrsten van desen renten voirscreuen
</main>
<end>
Jn oirkonde desen brieue beseghelt mit onsen seghelen Ghegheuen jnt jair ons heren duysent drie hondert vier ende viertich des donresdaghes voir sente valentiins daghe
</end>