Compilatiecorpus Historisch Nederlands 1.0 (CHN): ambtelijke teksten 1250-1800: leiden_1344_5

<begin>
Wj dieric vranken sone ende wouter van den vene Scepene in leyden maken cont allen luyden
</begin>
<main>
dat remburch gosekiaens mit goiswiin horen sone horen rechten mombair vrederic ende gouburch hoir kinder quamen voir ons ende ghelieden dat si vircoft hebben mit ghesamender hant ende elc voir al willaem jans mans sone Een pont hollants vriis ghelds siairs ende enen capoen op hoir huys ende op hoir erue dat beleghen heeft wildiic mit sinen huyse ende erue an diene side ende clays rogghenbroit mit sinen haluen huyse ende erue an dander zide Ende dese renten mitten capoen voirseit alle jare tebetalen tote voirscoter marcte den scilt voir twintich twintich grote jof anders payment dair na
</main>
<end>
Jn oirkonde desen brieue beseghelt mit onsen seghelen Ghegheuen jnt jair ons heren duysent drie hondert vier ende viertich des manendaghes na onser vrouwen daghe te mydden oiste
</end>