Compilatiecorpus Historisch Nederlands 1.0 (CHN): ambtelijke teksten 1250-1800: leiden_1358_5

<begin>
WJ jan van braband ende willaem bort Scepen in leyden doen cond allen luden
</begin>
<main>
dat quamen voir ons willaem pieters soen ende dirc lam ende beloueden mit ghesamender hand ende elc voir al dirc heyneman tewaren jair ende dach alse Recht is een huys ende erue dat gheleghen is opt hogheland ende beleghen heft an die ene zide ende an dat een ende zeuerijd beers soen ende zijn zwegher mit husen ende eruen ende an dander zide ende ant dander ende die heerstrate Ende allen commer oftedoen diere nutertijt op staet zonder drie scellinghe ende neghen penninghe hollants diere opstaen te jairlixen Renten Ende willaem pieters soen voirscreuen belouet dirc lam scadelois te houden
</main>
<end>
jn oirkonde desen brieue beseghelt mit onzen zeghelen Ghegheuen jnt jair ons heren m ccc acht ende vijftich des manendaghes na Sinte andries dach
</end>