Compilatiecorpus Historisch Nederlands 1.0 (CHN): ambtelijke teksten 1250-1800: leiden_1358_6

<begin>
WJ jan van braband ende Airnd van der heyde Scepen in leyden doen cond allen luden
</begin>
<main>
dat quam voir ons jan van zanten airnds soen ende gheliede dat hi vircoft heft pieter wouters soen sestien hond lands luttel min of meer die gheleghen zien jn den ambocht van zoeterwoude ende beleghen heft an die ene zide die vrouwe van lewenberch ende an dander zide claes ghered doeden soen mit horen lande streckende mitten enen ende jn die leydsche vairt Ende jan voirscreuen heft belouet pieter voirscreuen tewaren dit voirnoemde land vry ende commerloes jair ende dach alsmen een volboden dat beatriis hughen wiif erue scoudich is tewaren ende jn allen zulker manieren alset danel coppen ende airnd coppen soen tebesitten plaghen Ende jan heft him van desen lande voirseyt betailt belyet den lesten penning mitten eersten
</main>
<end>
jn oirkonde desen brieue beseghelt mit onzen zeghelen Ghegheuen jnt jair ons heren m ccc acht ende vijftich op sinte lizebetten dach
</end>