Compilatiecorpus Historisch Nederlands 1.0 (CHN): ambtelijke teksten 1250-1800: leiden_1358_7

<begin>
WJ Costijn van der bregghe ende filips jans zoen Scepen in leyden doen cond allen luden
</begin>
<main>
dat quam voir ons hughe henrix zoen ende beliede sculdich tewesen den gasthuys teleyden vier scellinghe hollans tsiairs Tebetalen jairlixe op den meyen dach Te virsien op zijn huys ende erue dat beleghen heft an beyden ziden jan vranken zoen mit zinen steghen die dirc vranken soen besproken heft jn testamente den gasthuse voirnoemt
</main>
<end>
jn oirkonde desen brieue bezeghelt mit onzen zeghelen Ghegheuen jnt jair ons heren m ccc acht ende vijftich op den vierden dach van aprelle
</end>