Compilatiecorpus Historisch Nederlands 1.0 (CHN): ambtelijke teksten 1250-1800: leiden_1364_2

<begin>
WJ Jan meliis soen ende Dirc van Der Dub hughen soen Scepene Jn leyden Doen cond allen luyden
</begin>
<main>
Dat quamen voir gherechte haer hughe heynric hougher bertelmees willem Dircx kinder van der Dubbe ende ermetruyd ende Dirc claer haer susteren mit wouter van der bregghe daniel jans soen gheriid van der grachte bertelmees soen ende mit Dirc van den busch hoir vier vierendel ende voecht ende scouden quit ende gauen ouer toet enen vryen eyghen ysebrant roetaerts soen ende claes jans soen Die nv ter tiit gasthuus meesters siin jof diet namaels wezen sullen toet tgashuus behoef toet leyden Twintich scellinghe hollants goets sgelts tsiaers mit den houde die sy ghemienlic hadden op haeren willem nanen huus ende erue ende beleghen heeft an die ene syde dirc poes jans soen mit sinen hws ende erue ende an die ander side hildewaer heynricx dochter floriis valc ende aliit kerstants wedue mit horen huzen ende eruen streckende van der hofgrafte an dircx kinder van der Dubbe voirscreuen hws ende erue Ende twinticht scellinghe hollants goet sghelts tsiaers mit den houde die sy hadden op jan vos die talman hws ende erue dair hi nv ter tiit Jn woent ende beleghen heeft an die ene syde Jan van brabant mit sinen hws ende erue ende an die ander syde joncvrou saeys stasiins wedue mit hoeren hws ende erue mit der steghe die daer twischen gaet streckende van den middelweghe an liisbetten Die gruutster huus ende erue mit recht ende mit vonnesse als scepen wiisden dat recht js
</main>
<end>
Jn oirconde desen brief bezeghelt mit onzen seghelen ghegheuen jnt iaer ons heren M ccc viue ende tsestich Des Donredaechs na sinte aechten dach
</end>