Compilatiecorpus Historisch Nederlands 1.0 (CHN): ambtelijke teksten 1250-1800: leiden_1388_4

<begin>
WJ dirc van den werue Ende harman bitter Scepene in leyden oirkonden
</begin>
<main>
dat voir ons quam philips venne Ende gheliede dat hi vercoft heeft vranke diedwaren soen een pond hollans comans payments tsiairs Te betalen alle Jaire tot voirscoten ende valkenburghermarcten Te versiene Ende staende vp een huys ende erue dat gheleghen Js binnen den ambocht van catwijc Ende beleghen heeft an die zuytzide philips adelisen soen Ende an die noortzide pieter aechten soen alle mid horen landen Streckende vten rijn afterwairts an jan gherijts soens erue Ende philips venne voirseyt beliede hem hier of voldaen ende betailt den lesten penninc mitten eerste
</main>
<end>
Jn oirkonde desen brieue beseghelt mid onsen seghelen Jnt Jair ons heren duysend drie hondert acht ende tachtich tsmanen daghes na Sinte wilborts dach
</end>