Compilatiecorpus Historisch Nederlands 1.0 (CHN): ambtelijke teksten 1250-1800: leiden_1415_1

<begin>
Scout scepene ende rade der stede van Leyden doen cond allen luden
</begin>
<main>
want onse menynghe is den gemenen oerbaer van der stede te stercken ende goede weghe te ramen dair die stede by in neringhe bliven ende in eren regiert mach worden twelke int meeste sprutende is uut goeder draperye die bi der gracie Goids lang tijt by goeden gheordineerden cueren heeft gestaen die men al biwilen veranderen ende varnywen moet na den loop van der neringhe om dat varsoec van den coopman te behouden waerom wy eendrachtelic alrehande cueren vernuwen die van outs gestaen hebben ende oec cueren verrecht hebben die toter neringhe nut ende oirbair sien ende zummighe coeren offgelaten die ghien oirbaer en waren Ende wat hierna niet bescreven en staet dat en sal men niet rechten van der draperye
</main>
<end>
Gedaen int jair ons Heren MCCCC ende vijftien op Midvasten
</end>