Compilatiecorpus Historisch Nederlands 1.0 (CHN): ambtelijke teksten 1250-1800: leiden_1435_3

.
</begin>
<main>
Item also Aelbrecht Dirxz van der stede wegen gesent wort tot Haerlem mitten wairdeyns om die volres tonderwysen die den uutgange gemaect hadden weder binnen Leyden te brengen ende want Willem Janz die volre Aelbrecht voirs groeten overlast gedaen heeft overmits dat hy in der stede dienste ende gebode geweest heeft des tgerecht an him trect hiervoir sel Willem Janz doen verwercken an der stede vesten dairt him van den poortmeesters gewijst sel worden 25000 stiens twisken dit ende Sinte Jansdage te Midzoemer naestcomende ende desen stien te verwercken sel hy verborgen huden binnen sdages tsonneschijn Ende wairt dat Willem Janz desen stien niet en verborchde als voirs is so soude hy des dages dairna uut der stede gaen uut Rijnlant uut der Hage ende Hageambocht ende dairuut bliven up sijn lijf totter tijt toe dat hy den stien voirs verwrocht heeft
</main>
<end>
</end>