Compilatiecorpus Historisch Nederlands 1.0 (CHN): ambtelijke teksten 1250-1800: leiden_1440_1

<begin>
</begin>
<main>
Item also coman Dirc Ghijstgensz een half laken ter paertsen gebrocht hadde dat gereet was op coman Dirx nopteyken dit laken was gereet van wolle die hi van Noortich in Leyden ingebrocht hadde onbesien van den wairdeins ende meer ander wolle ende gaerne wasser meer gebesicht toten halve laken voirscr diewelke wolle onrechtvaerdelic gecregen is gelijcdat ter wairheit bevonden is ende om aldustennige boverye te verhoeden in der draperye so sel Dirc voirscr doen verwercken an der stede vesten 20000 stiens twisken dit ende uutganc Mey naestcomende ende dairtoe sel hi gaen voir die crucen om Sinte Pieterskerc te Leyden des Sonnendages na Sinte Agnietendach naestcomende ende sel wolle endegaern an een stoc dragen voir die crucen Ende desen stien sal Dirc voirscr verborgen huden binnen sdages sonneschijn dede hi des niet so sel Dirc voirscr margen binnen sdages sonneschijn uter stede gaen op sijn lijf ende sel dairuut bliven op sijn lijf ter tijt toe dat desen voirscr stien verwrocht is
</main>
<end>
</end>