Compilatiecorpus Historisch Nederlands 1.0 (CHN): ambtelijke teksten 1250-1800: leiden_1489_4

<begin>
</begin>
<main>
Om te vinden wege ende manieren hoe ende in wat schine dat men sel mogen uter stapele van Calis gecrigen velle en de wolle ende dat die geconvoeyert ende geleyt worden mit scepe van oirloge opdat men die gemeente mach onderhouden ende by der neringe bliven mogen dairtoe dat men sel behoeven 3 carvelen die de stede soude coopen ende dairtoe leveren bossen ateleyen ende cruyt ende die coopluyden souden hebben die costen van den luyden van wapen van der soudie ende anders [enz] hierop is by den gerecht ende vroescip gestemmet overdragen ende gesloten dat men enen ygeliken consenteren sel te mogen reysen tot Calis om te coopen tot Calis velle ende wollen ende als zy die gecoft hebben ende die gebrocht in Zeelant tzy te Arremuyden ter Veer tZerixee ter Goederede ten Briele of tot enich van den havenen in Zeelant ende die coopluyden der stede dat laten weten om geconvoeyeert te wesen soe sel men die goeden van der stede wegen ende opter stede coste vandair mit knechten helpen veyligen om harwairt over te brengen also dat behoren ende beste dienen sel
</main>
<end>
</end>