Compilatiecorpus Historisch Nederlands 1.0 (CHN): ambtelijke teksten 1250-1800: leiden_1512_2

<begin>
</begin>
<main>
Wandt die wairdeynen tot diverschen stonden te kennen gegeven hebben van den dienste ende arbeyt die die raemwachters ende printers doen ende soe dieselve diensten verpacht sijn geweest soe en sijn die wairdeyns ende die gemeente niet soeveel gedient alst behoirde twelck quam tot schade ende achterwesen van der stede wandt syluyden gheen loen en hadden voir hoeren arbeyt versochten dairomme dat men die pachte soude willen destitueren ten eynde dat die voirs raemwachters ende printers bet souden dienen ende men meer gebots over hemluyden hebben mochte ende dienste wairop die van den gerechte die saicken overgemerct hebben ende hebben tevreden geweest dat die raemwachters ende printers betalen souden die helft van der pachte van dese jegenwoirdige jair ende van dander helft vry wesen zoeverre die vroescip hierin consenteerde sonder diewelcke die gerecht niet doen en wilden zoe is die saicke up deser tijt voir der vroescip geopent ende die voirs vroescappen hebben geconsenteert dat men mitter helft van der pachte voirs van dit jegenwoirdige jair tevreden soude wesen gelijck voirs is
</main>
<end>
</end>