Compilatiecorpus Historisch Nederlands 1.0 (CHN): ambtelijke teksten 1250-1800: leiden_1516_2

<begin>
1. Coman Willem Jansz is zijn dinctale tegens Mathijs Gerijtsz volre ende coman Willem voirs als eysscher seyt
</begin>
<main>
dat hy Mathijs voirn als verwere mit recht heeft doen dagen ende beclagen om die somme van thien Rinsche gulden min twie stuvers ter cause van zekere kaerden die den verwere van den eysscher gecoft heeft concludeert den eysscher alsoe hy den verwere toesprect op zijn rechte maenstadt om pennincklike sculde dat den verwere sculdich is te lyen off te versaecken na den rechten ende kueren der stede van Leyden ende dat hem die kenninck mede sal gaen ende den verwere tegens Des hy begeert vonnisse van scepenen ende eerst hierop gehoert te wesen
</main>
<end>
Actum XXX in Julio anno XVC zestien
</end>