Compilatiecorpus Historisch Nederlands 1.0 (CHN): ambtelijke teksten 1250-1800: leiden_1519_1

<begin>
Alzoe wel bekuert staet
</begin>
<main>
dat men gheen wolleweeftouwen uuyt deser stede voeren en moet upte boeten van 3 u te verhalen an dengenen die dezelve touwen vercofte ende alzoe enige niet achtende upte voors boete zoe die cleyn is hem dagelicx vervorderen zekere wolleweeftouwen te vercopen ende uuyter stede te voeren in verachtinge van der stede kueren ende tot grote achterdele ende verminderinge van der draperye deser stede ende om dairinne te voirsien soe hebben tgerecht geordonneert ende bevelen eenen ygelicken wye hy zy man ofte wijff jonck ofte oudt [dat] [zy] gheen wolleweeftouwen uuyt deser stede en voeren upte verbuerte van 15000 stiens Elck wacht hem van misdoen want men den brueckige die volle boeten afnemen zal sonder verdrach
</main>
<end>
</end>