Compilatiecorpus Historisch Nederlands 1.0 (CHN): ambtelijke teksten 1250-1800: leiden_1519_3

<begin>
1. Heynrick van der Does schout tot Leyden als eysscher is sijn dinctael jegens Jan Veen Claesz verwer als verwere ende deysscher seyt
</begin>
<main>
dat hy den verwere mit recht heeft doen dagen ende beclagen ende seyt hem an dat hy Leytsche anderde wollen heeft doen verwen mit coperoot ende galnoet contrarie die kuere ende zeyt dat hy dairan verbuert heeft achtervolgende die koere te weten vijftich duysent stiens ende gebannen te wesen thien jaeren binnen der stede ende dairenboven in thien jaeren niet te verwen up die verbuernis van zijn rechterhandt Concludeert den eysscher in den name soe hy procedeert mach hy bewysen dat voirs staet dat den verwere gecondempneert zal wesen in den eyssche up hem gedaen ende dat hem die kenning mede sel gaen ende den verwere jegens makende eyssche van costen tot deser instancie gedaen ende noch gedaen zel worden tot taxacie van scepenen Des hy begeert vonnisse van scepenen ende eerst mit zijn bescheyt ende meerseggen hierup gehoert te wesen
</main>
<end>
Actum den XXXIen dach in Octobri anno XVC ende XIX
</end>