Compilatiecorpus Historisch Nederlands 1.0 (CHN): ambtelijke teksten 1250-1800: leiden_1537_1

<begin>
Alzoe tot kennesse van den gerechte gecomen is
</begin>
<main>
hoe dat eenige hem dagelicx vervorderen zekere wolle genaempt warp te spinnen mitter wiele om cort werck te maecken ende haestelick tgelt te winnen contrarie allen ouden haercomen ende ordonancie ende alzoe de draperye is de hooftneringe deser stede ende doer zulcke middelen de laeckenen deser stede zeer onbequaem vallen om geweven ende gevolt te worden ende gescapen zoude wesen dezelve neringe te vergaen zoe verde daerinne niet voirsien en worde ende om tselfde te verhoeden zoe gebieden tgerecht dat van nu voertan nyemant hem en vervordere de voirs wolle genaempt warp te spinnen mitter wiele in geenre manieren mer zullen dezelve warp spinnen mitte hant upter spillen zoe men altijts van ouden tyden ghewoenlick is geweest te doen ende dit upte peene ende verbuerte van thien pont telcken reyse te verbueren ende daertoe hoere wielen ende andere gerescepe daertoe dienende
</main>
<end>
</end>