Compilatiecorpus Historisch Nederlands 1.0 (CHN): ambtelijke teksten 1250-1800: leiden_1538_1

<begin>
Alzoe tot kennesse van den gerechte gecomen is
</begin>
<main>
hoe dat eenige hem vervorderen zekere lijst te kaerden binnen deser stede nochtans wesende geheel contrarie de kuere deser stede ende omme dairinne te remedieren ende te voirsien zulcx als doenlick sal wesen soe hebben tgerecht geordonneert dat alle diegeene die useren ende hem generen zekere liste binnen deser stede te kaerden dat die up morgen des avonts te zes uren gehouden zullen wesen te compareren ende te comen upter stede paertse by die waerdeyns om tanhoeren tgeen dat hemluyden verthoent ende voergehouden sall worden om hem daernae te reguleren ende hoere namen aldaer geregistreert te worden ende indien yemant bevonde worde ten voors tyde by den waerdeyns nyet geweest te hebben ende hem vervorde dairenboven zekere lijste te kaerden binnen deser stede zal strengelicken ghecorrigeert worden ten exemple van allen anderen nae gelegentheyt van der saecke
</main>
<end>
</end>