Compilatiecorpus Historisch Nederlands 1.0 (CHN): ambtelijke teksten 1250-1800: leiden_1563_1

<begin>
Die schoudt ende gerechte van Leyden daerop gehoirt tadvijs van den wairdeyns hebben geconsenteert ende consenteren mits desen Hubrecht Alewijnsz Pieter Paets Pietersz Gherit Jacobsz Jacob Geritsz Cornelis Dircxz Gool Cornelis Willemsz Henrick Pietersz Claes Mast Adriaensz ende Claes Dircxz Gool
</begin>
<main>
dat zy elcx zullen mogen reden twe halve laeckens op een prouve zonder meer mit blaeuwe lijsten ende die wat af te laten scheren ende bereyden gelijck Engelsche lakens sonder dat zy daer fyner wolle ofte ander gaern van yeff ofte werp toe besigen sullen mogen dan alleen zulcke stoff daer men die gewoonlicke Leytsche lakenen van reet ende maict behoudelicken dat zy dezelfde gemaict zijnde wit den gerechte zullen presenteren ende laten besien daer hem gelieven zal eer zy die zullen mogen vercopen ofte uuytsnyden op correctie van der stede
Ende hebben om dit gedaen ende besocht te werden voir deselfde 18 halve lakenen de schout mitte acht schepenen gesurceert soe lange de keure die ter contrarie souden mogen bevonden werden mitsgaders den eedt
</main>
<end>
Aldus gedaen binnen Leyden den derden dach van Maert XVC ende drie en tsestich nae gemeen schriven
</end>