Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1286_1

<begin>
Et si cont allen den ghenen die dese lettren sullen sien ende horen lesen
</begin>
<main>
dat broeder heinric van hutrecht heeft ghecocht ter nonnen bouf die wonen binnen machline die van der wordinen siin van sente victors van paris jeghen boudine den bere ij sticken lants die gheleghen siin ter heiden up niewelant minreste es gheleghen anden wech alsmen gaet ten Niewen dike waert dander daer bi ant fenne meeste stic dit kennen scepenen dat sculdech es te ebbene enen wech dor lant dat de beren vercochten ende dese wech moet wesen wiit dat men mach varen met enen waghene dat hier toe ghedaen es van boudine up ghedraghen met alme in rechters ant ende hier up teuertiene ende bi sinen wille dit erue heeft de rechtere broeder heinricke die hier vornomt es up ghegeuen eruelike ter nonnen bouf dat hier toe ghedaen is na de sede van den lande al dat men sculdech es te doene
</main>
<end>
dit orconde wi alse scepenen arnout van scipuorde ende claus de parkementre alse scepenen van den Niewen lande buten Neckerspoele ende dit was ghemaecht int jaer ons dat men scriift m ccLxxxv disendages vor onser vrouen dach licht messe
</end>