Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1287_1

<begin>
Wi schepenen van der heiden buten neckerspoele de claus de parkementre ende der lambrecht hasaert doen cont allen den ghenen diese lettren sullen sien ende horen lesen
</begin>
<main>
dat katerine gielis touwers dochter quam vor ons soe ende hare monbore ende drouch up ende verteech soe ende hare monbore xv s jaerliics tseins cleenre munten ten cranken bouf inden beghinen houf bi manighen srechters ende bi wiisdoeme der schepenen die hare gotscalt de bere gaf van enen sticke lants dat leecht bider scorsmolen buter neckerspoele ende van enen sticke mours dat dar bi leecht welc dat men hout van minen here van machline ende dese vornoemde xv s die ghelt men ten tueen tiden van den iare de ene helt te kersauonde de ander helt te sente ians messe
</main>
<end>
ende om dat ons kenliic es ende wiit wel weten wi vornoemde schepenen so ebwiere onse propere seghele angheanghe ende dit ontfinc broeder woutre ter cranken bouf int niewe hof van srechters ant ende dese lettre was ghemaecht te paschen alse men scriift carnacion ons heren mcc iaer ende Lxxxvii iaer
</end>