Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1287_2

<begin>
Wi heinric guetghebuer ende lambracht hasart Schepenen van dien niewen lande buten neckerspole maken cont alle den ghenen die dese lettren sien selen
</begin>
<main>
dat bouden die berhe in onser in onser ieghenwerdecheiden op gaf en stucke lands dat gheleghen es tuschen dien niewen dijc ende scorsmolen dies es onderhalf dachmael lettel meer ochte min in die hant dies rechters mijns her wouter berthouds cheeren van mechlene die here es van dien gronde ende verteeghs ter nonnen behoef van mechlene ende dat die selue rechtere ind voreghenuemde stucke lans ter voregheseghder nonnen behoef ende hars cloesters erfde broeder heinrike die broeder es tien seluen cloestre bi maennessen ende bi onsen vonnesse ende dat dar toe ghedaen was al dat men dar toe sculdech was te doene na dien sede ende recht van dien lande behoudenlec elcs mans rechte
</main>
<end>
Ende in orkende derre dinghe hebbe wi onse segle ghehanghen an dese lettre Jnd iaer ons heren m cc lxxxvij Jn sente peeters auonde tinganghen oeghste
</end>