Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1288_1

<begin>
Wi scepenen van der heiden buten neckerspoele der ian de bere ende der arnout van scipuort ende der lambrecht hasaert doen cont allen den ghenen die dese lettren sullen sien ende horen lesen
</begin>
<main>
dat ian van sone heef ghecocht ende ontfaen ten cranken beghinen bouf x s siaers te tueen tiden te gheldene de ene helft te sente bamesse ende de ander helft te kersauonde ende dese x s siaers heeft ian ghecocht ieghen ser heinmans wiif was van scipuort ende ieghen de ghebort ende hier in es hi comen dese vornomde ian van sone bi maninghen srechters ende bi wiisdoeme deser vornomde scepenen ende dese vornomde gheborte ghelt xii d siaers te tide dat men gheeft van desen vorgheseiden goede dar claus de scors moelre up woent
</main>
<end>
ende omme dat ons kenlic es ende wiit wel weten wi vornomde scepenen so ebwiere ons propere seghele an gheanghen ende dese lettre was ghemaecht int iaer ons heren alsmen scriift mcc iaer ende lxxxvii vriendags na grote vastenauont
</end>