Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1288_2

<begin>
Wi scepenen vander heiden buten neckerspoele wouter van ghestele ende gilijs van heuere gruten ende maken cont allen den ghene die Nu sien ende wesen selen
</begin>
<main>
dat ian spikinch quam vore ons ende bekende dat hi hadde vercocht bruder heirike van vetrich ten nonnen boef die wonechtech sien binnen machline van sente victors ordene v s louensche erflike tsiens op een erue dat gheleghen hes vore der beghinen hoef in dat straetkiin ende dat men houd van wolfarde dese vore ghenoemde v s sal men ghilden dene helft te sente iansmisse ende dander helft te kersauonde ende dat hine daer toe dede med manissen tsrecters ende wijsdome der scepenen ende der late die daer sculdech waren op te wisene als ons een recht wiset beide bouen ende beneden
</main>
<end>
ende om dat dit waer ees ende seker soe hebwi wi voreghenoemde scepenen onse zeghele ane ghehanghe ende dese lettere was ghemaket int iaer onshere als men scriuet m cc lxxxviij saterdaghes na sente bamisse
</end>