Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1289_2

<begin>
wi scepenen van der eyden buten neckerspoele der arnout van scipuort ende lambrecht hasaert ende claus de parkementre wi doen cont allen den ghenen die nu siin ende wesen sullen
</begin>
<main>
dat simoen van ranst quam vor ons ende cochte ieghen woutren van den stene van umbeke xv s louentsche eruelike up al dat hi heeft onder minen here bertoude binnen den scependoeme van der eyden ende hier in es hi commen bi maninghen srechters ende bi wiisdoeme der scepenen vort so es sculdech dese vornomde xv s te gheldene ian nocke viiii s de ene helft te sente ians messe ende dander helft te kersauonde ende der heinman van varenbossch vi s de ene helft te sente ians misse ende dander helft te kersauonde
</main>
<end>
ende omme dat ons kenlic es ende wiit wel weten wi vornomde scepenen so ebbewiere onse propere seghele an gheanghen ende dese lettre was ghemaecht int jaer ons heren alsmen scriift mcc jaer ende Lxxxviii donresdags na vastenauont
</end>