Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1289_4

<begin>
Wi scepenen van der eyden buten neckerspoele arnout van scipuort ende claus de parkementre ende lambrecht hasaert wi doen cont allen den ghenen die nu siin ende wesen sullen
</begin>
<main>
dat liisbeth van raemsdonc quam vor ons ende heinric degghe hare wetteghe monbore ende vercochten broeder heinricke ten Nonnen bouf van sente victors ordine van parijs de welke sijn wonende binnen machline vi s siaers erflike up al dat dese vor nomde liisbeth heef ende hare wetteghe monbore binnen der vriheden van der eyden ende gheleghen es onder miin here bertoude Ende dit was ghedaen bi maninghen srechters ende bi wiisdoeme der scepenen
</main>
<end>
ende omme dat dit waer es ende wiit wel weten wi vor nomde scepenen so ebwiere onse propere seghele an gheanghen ende dese lettre was ghemaecht jnt jaer ons heren alsmen scriift mcc jaer ende lxxxix suoensdags na sente jans dach huut ganc ende oust
</end>