Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1289_5

<begin>
wi scepenen van den niewenlande binnen machline jan van der colen ende heinric ofstaden ende heinman van der delt wi doen cont allen den ghenen die nu siin ende wesen sullen
</begin>
<main>
dat broeder heinric heeft ghecocht ten nonnen bouf van sente victors ordine van parijs de welke siin wonende binnen machline jeghen janne morren vi s louensche siaers erflike up siin huus ende up siin erue dat gheleghen es jeghen miins heren ser bertouts vort so sullen dese vornomde nonnen effen haren tsens so weltiit so meester niclais bate voren heeft genomen elkes jaers vi s ende iii capoene van tsense ende dit was ghedaen bi maninghen srechters ende bi wiisdoeme der scepenen
</main>
<end>
ende omme dat dit waer es ende wiit wel weten wi vornomde scepenen so ebwiere onse propere seghele an gheangen ende dese lettre was ghemaecht int jaer ons heren alsmen scriift mcc jaer ende Lxxxix in sente matheus daghe
</end>