Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1290_1

<begin>
Wi scepenen van der yden buten Neckerspoele claeus de parkementre ende arnout van scipuort ende woutre van ghestle wi doen cont allen den ghenen die nu siin ende wesen sullen
</begin>
<main>
dat diederic de appel manghelare quam vor ons ende drouch up xxxviij s ende iiii d erfliics tsens ten cranken bouf up siin erue dat hi oudende es van miin here van machline ende dat gheheten es ten plassch ende jeghen boidins creupels ouer ende desen vornomden tsens die ontfinc gielis de clerc alse ten cranken bouf ende desen vornomden tsens die salmen gheuen ten tueen tiden van den jare de ene helf te kersauonde ende dander helf te sente jans misse ende dit was ghedaen bi maninghen srechters ende bi wiisdoeme der scepenen
</main>
<end>
Ende omme dat dit waer es ende seker so ebwiere wi vornomde scepenen onse propere seghele an gheanghen ende dese lettre was ghemaect jnt jaer ons here alsmen scriift mcc jaer ende xc disendags vor alre apostelen dach
</end>