Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1290_2

<begin>
Wi scepenen van der eyden buten Neckerspoele heinman goetghebur ende ian de bere wi doen cont allen den ghenen die nu siin ende wesen sullen
</begin>
<main>
dat kateline arnouts holslagers dochter quam vor ons ende drouch up xii s siaers erflike ten cranken bouf up 1/2 bwnre lants dat gheleghen es up de eyde ende up heen huus dat staet naest wouters holslagers ende dese xii s louentsce die salmen ghelden te elken pascen ende dit was ghedaen bi maninghen srechters ende bi wiisdoeme der scepenen
</main>
<end>
ende omme dat waer es ende seker so ebwiere wi vornomde scepenen onse propere seghele an gheanghen Ende dese lettre was ghemaect int jaer ons heren alsmen scriift mcc jaer ende xc disendags vor alre apostel dach
</end>