Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1290_4

<begin>
Wi scepenen van den niewenlande binnen machline ian van der colen ende meinse witleder ende daneel van ganspoele wi doen cont allen den ghenen die nu siin ende wesen sullen
</begin>
<main>
dat gielis van den cranken heft ontfaen xx s siaers erflike ten cranken bouf die hi heft ghecocht ieghen woutren van efne up heen erue dat ghelegen es tusschen wouters van ombeke ende wouters van reumste bider aeustine ende alse sulken tsens alsmen van erfliken tsense es sculdech te gheuene de ene helft te kersauonde ende dander helft te sente jans misse ende dit was ghedaen bi maninghen srechters ende bi wiisdoeme der scepenen
</main>
<end>
Ende omme dat dit waer es ende seker so ebwiere wi vornomde scepenen onse propere seghele an gheanghen ende dese lettre was ghemaect int jaer ons heren alsmen scriift mcc iaer ende xc donresdags na sente lucs dach
</end>