Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1290_5

<begin>
Wi scepenen van der eyden buten neckerspoele ian de bere ende lambrecht hasaert wi doen cont allen den ghenen die nu sijn ende wesen sullen
</begin>
<main>
dat broeder ian van den cranken heft ghecocht ten cranken bouf ieghen godeuerde metter minnen xx s erfliics tsens iaerliics up erue dat heilwiif van berbelghem oudende es dat es dat goet dat des vornoemens godeuerts vader oudende was van der minnen ende alse sulken tsens alsmen van erfliken tsense es sculdech te gheuene bouen ende beneden de ene helf te kers auonde ende dander helf te sente ians misse ende dit was ghedaen bi maninghen srechters ende bi wisdoeme der scepenen
</main>
<end>
ende omme dat dit waer es ende seker so ebwiere wi vornomde scepenen onse propere seghele an gheanghen ende dese lettre was ghemaect int jaer ons heren alsmen scriift mcc jaer ende xc suoensdags vor sente simoens ende sente juden dach
</end>