Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1291_11

<begin>
Wi scepenen van der eyden buten neckerspoele heinman goetghebur ende gielis van heuere ende wouter van ghestle wi doen cont allen den ghenen die nu sin ende wesen sullen
</begin>
<main>
dat broeder ian van den cranken heeft ghecocht ieghen ianne den bere iiii lb siaers erflike up heen erue dat dese vornomde ian de bere oudende was dat es dat erue der jacop wulueric up ghehust heft ende dese iiii lb die gaen naest tsheren tsens van den gronde dat es iii s ende ii hoen ende alse sulken tsens alse daermen mede coept ende vercoept de ene helft te kersauonde ende dander helft te sente jans misse
</main>
<end>
ende omme dat dit waer es ende seker so ebwiere wi vornomde scepenen onse propere seghele an gheanghen ende dese lettre was ghemaect int iaer ons heren alsmen scriift mcc jaer ende xci acht daghe na ascension ende dit was al ghedaen bi maninghen srechters ende bi wiisdoeme der scepenen
</end>