Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1291_12

<begin>
wi scepenen van der eyden buten neckerspoele arnout van scipuort ende wouter van ghestle wi doen cont allen den ghenen die nu sin ende wesen sullen
</begin>
<main>
dat broeder heinric heft ghecocht ten nonnen bouf van sente victors hordine van pariis de welke sin wonende binnen machline vi s siaers erflike ieghen arnoude den scorsmolnere up heen erue dat gheleghen es biden witten venne ende daer hi up ghehust heft ende up al dat hi daer heft ende alse sulken tsens alse daermen mede coept ende vercoept de ene helft te sente ians misse ende dander helft te kersauonde ende dit was ghedaen bi maninghen srechters ende bi wiisdoeme der scepenen ende dit es behouden elcs mans rechte
</main>
<end>
ende omme dat dit waer es ende seker so ebwiere wi vornomde scepenen onse propere segele an gheangen ende dese lettre was ghemaect int jaer ons heren alsmen scriift mcc iaer ende xci in tsinxsenauonde
</end>