Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1291_13

<begin>
Wi scepenen van der eyden buten neckerspoele heinman goetghebur ende gielis van heuere wi doen cont allen den ghenen die nu sin ende wesen sullen
</begin>
<main>
dat woutre de stoppre heft ghecreghen hen erue jeghen janne hoefde van c voeten breet ende also lanc alse dese vornomde ian hoeft houdende was ende voren ende bachten al heuen breet omme xviii s ende ii capoene siaers erflike ende omme alse sulken tsens alse daermen mede coept ende vercoept de ene heft te kersauonde ende dander helft te sente jans misse ende in dit vornomde erue es commen dese vornomde woutre de stoppre met maninghen srechters ende bi wiisdoeme der scepenen
</main>
<end>
ende omme dat dit waer es ende seker so ebwiere wi vornomde scepenen onse propere seghele an gheanghen ende dese lettre was ghemaect int iaer ons heren alsmen scriift mcc jaer ende xci donresdags vor sente ians dach in midden zomere
</end>